Тошкентда арзон шакар сотиш баҳонасида 7 млн сўм ундирган қаллоб қўлга олинди
Тошкентлик Сабоҳат исмли аёл дугонасини алдаб, катта пулга туширгани учун қамоққа олинди. Бу ҳақда “Огоҳ” газетаси хабар бермоқда.
Айтилишича, Сабоҳат гўзаллик салонида ишлайдиган Фариданинг доимий мижози бўлган. Бир куни у Фариданинг синглисини тиббиёт коллежига киритиб қўйиш баҳонаси билан ундан 500 доллар олган.
Орадан бироз вақт ўтгач, Сабоҳат дугонасига арзонга 40 қоп шакар олиб беришини айтган. Фарида ота-онаси билан бирга Сабоҳатга 6.8 млн сўмни қўшқўллаб топширган. Аммо шундан сўнг Сабоҳат турли баҳоналар билан улардан қочадиган бўлиб қолган.
Фарида ҳуқуқ-тартибот идораларига мурожаат қилишга мажбур бўлди. Ўтказилган қисқа текширувдан сўнг қаллоб қўлга олиниб, пуллар эгасига қайтарилди.
