АҚШ президенти Барак Обаманинг қизи Малия Обама HBO телеканали томонидан суратга олинаётган “Қизлар” сериалининг суратга олиш майдончасида ёрдамчи бўлиб ишламоқда, деб хабар бермоқда TMZ портали.
4 июль куни 17 ёшга тўладиган Малия Обама сериалнинг Бруклиндаги суратга олиш ишларида иштирок этаётганида пайқалди.
Ўтган йили ҳам Обаманинг қизи ёз фаслида телевидениеда ишлаб пул топган эди – у бош ролда Холли Берри ўйнаган “Чегарадан ташқари” сериалининг суратга олиш майдончасида ҳам ёрдамчи бўлиб ишлаган эди.