Ўзбекистон алоқа оператори Beeline Мижозларга хизмат кўрсатиш хизматининг 2015 йилнинг биринчи ярмидаги фаолияти якунларини сарҳисоб қилмоқда.
Beeline cаll-марказининг IVR (Interactive Voice Response) Интерактив овозли тизими томонидан йилнинг биринчи ярмида 26 миллиондан ортиқ қўнғироқларга хизмат кўрсатилди. Сўровларнинг мавзусига келсак, энг оммабоп мурожаатлар тўлов усуллари, Интернет пакетлар ва мобил Интернет созламалари, қўшимча хизматлар, USSD-кодлар ва тариф шартлари ҳақида бўлди.
Воқеани шарҳлар экан, Unitel‘нинг Мижозларга хизмат кўрсатиш хизмати раҳбари в.б. Ғайрат Маҳкамов шундай деди: “Ўтган йилнинг ярим йиллиги билан мазкур йилнинг ярим йиллигини солиштирсак, мурожаатлар сони сезиларли даражада пасайганини кузатиш мумкин. Бу эса абонентларнинг хизматлар ҳақида хабардорлиги, шунингдек Beeline хизматлари уларга мақул келишидан далолат беради. Компанияга бўлган ишончнинг ўсиши эса мужозларга хизмат кўрсатиш соҳасида инновацияларни жорий этишга ундайди”.
Эслатиб ўтамиз, 0611 бепул рақамдан ташқари, компания абонентлари “Онлайн-маслаҳатчи” http://0611.beeline.uz ноёб чатдан, шунингдек 0621 SMS-қўллаб-қувватлаш хизматидан ҳам фойдаланишлари мумкин. Бундан ташқари, Status мижозларига ва Beeline Club аъзоларига – 0777 алоҳида ажратилган канали бўйича сутка давомида хизмат кўрсатиш амал қилади. Интернет-сервислар орқали маслаҳат олиш учун 0611@beeline.uz электрон манзилига мактуб юбориш, шунингдек қуйидаги ҳавола бўйича http://mobile.beeline.uz/ru/main/help/faq.wbp Компания сайти орқали сўров жўнатиш мумкин.