АҚШнинг Maroon 5 гуруҳининг сентябрда Пекин ва Шанхайда ўтказилиши керак бўлган концертлари бекор қилинди. Бу ҳақда The Guardian нашри хабар бермоқда.
Гуруҳнинг гастроль тури билан шуғулланувчи Live Nation промоутеридан ҳозирча ҳеч қандай аниқ тушунтиришлар берилмаган.
Икки ҳафта олдин гуруҳнинг клавишниги Жесси Кармайкл ўзининг твиттердаги микроблогида Хитойда хавфли айирмачи ҳисобланадиган, қувғинликда бўлган Тибет диний етакчиси – далай-ламага унинг туғилган куни муносабати билан табрик йўллаган. Табрик кейинчалик ўчириб ташланган. Мусиқачи, шунингдек, далай-ламанинг АҚШдаги юбилей таваллуд аёми кечасига ҳам ташриф буюрган.
Кейинроқ Пекин ОАВлари концертнинг бекор қилинишига айнан шу ҳолат сабаб бўлганини маълум қилганлар.