Россиянинг Сахалин вилояти ҳокимияти саратон касалини эрта босқичда аниқлаган шифокорларга қўшимча ҳақ тўлаши мумкин. Бу ҳақда ҳоким вазифасини вақтинча бажарувчи Олег Кожемяко минтақага соғлиқни сақлаш вазири Вероника Скворцованинг ташрифи якунларига кўра маълум қилди.
“Кузда биз онкологик касалликларни 1-2-босқичларда аниқлаган шифокорларга қўшимча ҳақ тўлаш ҳақидаги ҳужжатни қабул қилишни режалаштирмоқдамиз. Ўйлайманки, бу хасталикка қарши курашиш учун қўшимча туртки бўлади”, – унинг сўзларини келтиради ТАСС агентлиги.
Айтилишича, қўшимча ҳақ 1.5-2 минг рублни ташкил қилади.
