Тошкент шаҳрининг Шайхонтоҳур туманида жойлашган супермаркетлардан бирида содир этилган ўғрилик фош этилди. Бу ҳақда ИИВ матбуот хизмати хабар бермоқда.
Айтилишича, Сунбулахон исмли қиз барчанинг кўзини шамғалат қилиб, 300 минг сўмлик кийим-кечакни ўғирлаб, ташқарига чиқиб кетган. Буни пайқаб қолган дўкон ходимлари ҳуқуқни муҳофаза қилувчи органларга мурожаат қилишди. Қиз узоққа кетишга улгурмасидан қўлга олинди.
