Ўзбекистон соғлиқни сақлаш вазири Анвар Алимов Миллий матбуот марказида бўлиб ўтган матбуот анжуманида боғчага, мактабга боришдан олдин болани гепатит А га қарши мажбурий эмлашга ўз муносабатини билдириб ўтди.
“Авваламбор, ҳеч қайси бир давлатда гепатит А га қарши вакцина бепул қилинмайди, – унинг сўзларини келтиради “Оила даврасида” нашри. – Ушбу касалликка қарши эмлаш, бундай муассасаларда эпидемиологик барқарорликни таъминлашга хизмат
қилади. Бола шундай бирон касал билан тўқнаш келганда ҳам унга гепатит А юқмайди. Шу мақсадда биз буни, гарчи эмлаш календари йўқ бўлса-да, ота-оналарга тавсия этганмиз. Буни тўғри тушуниш керак”.
Шунингдек, у Тошкент туғруқхоналарида бўлажак оналардан прописка талаб қилиниши ноқонуний эканлигини таъкидлаб ўтди.
