Россиянинг “Звезда” телеканали оператор ёрдамчиси Украина хавфсизлик хизматида ишлаганлигини тан олди. Бу ҳақда РИА Новости агентлиги хабар бермоқда.
Канал ходими Антон Малишев Миллий гвардия қўлида асир бўлганини ва “ўлим таҳдиди” туфайли “Онегин” оператив тахаллуси остида ишловчи агент сифатида Украина хавфсизлик хизмати билан ҳамкорлик қилиши тўғрисидаги ҳужжатни имзолаганини айтди. Москвага қайтгач, Антон Россия контрразведкасига мурожаат қилган.
У оператор Андрей Сушенков билан бирга асир тушган. Киевдаги марказ билан улар электрон почта ёки махсус хизмат агентлари билан учрашувлар орқали боғланишлари талаб этиларди. Шунингдек, айтилишича, Украина разведкаси ундан телеканалда ким Россия махсус хизматлари билан ҳамкорлик қилишини билиб олмоқчи бўлган.
Малишев Россияда жиноий жавобгарликдан озод қилинди, негаки бўлиб ўтган воқеа ҳақида тегишли ташкилотларга ўз вақтида маълумот берди. Телеканал вакилларининг айтишича, у ҳақда фильм ҳам олишган, у 9 август куни намойиш этилади.