Яқин орада бошланадиган Испания чемпионатининг баъзи учрашувлари бошқа саналарга кўчирилди, деб хабар бермоқда As испан нашри.
“Реал” ва “Барселона” ўртасидаги биринчи “эл-класико” учрашуви 8 ноябрдан 22 ноябрга кўчирилди, иккинчиси эса 10 апрелда бўлиб ўтади. Бундан ташқари, Испания Кубоги финали аввал режалаштирилгандек 21 майда эмас, балки 7 майда бўлиб ўтади.
Шунингдек, мавсум бошланиши муддати ҳам ўзгартирилди. Лига президенти Хавьер Тебас чемпионат 15 августда бошланишини талаб қилмоқда, бироқ Испания олий спорт суди чемпионатга 22 августда старт бермоқчи.