Хитой ҳукумати Пекинда бўлиб ўтадиган енгил атлетика бўйича жаҳон чемпионати пайтида Twitter ва Facebook ижтимоий тармоқларига ҳамда Google қидирув тизимига киришга рухсат беради, деб Халқаро енгил атлетика федерацияси бош котиби Эссар Габриэлга иқтибос келтирган ҳолда “Р-Спорт” нашри маълум қилди.
Жаҳон чемпионати Пекинда 22-30 август кунлари бўлиб ўтади.
Хитойда Facebook ва Twitter ижтимоий тармоқларига кириш 2009 йилда Синьцзян-Уйғур мухтор округида юз берган тартибсизликлар сабабли тўсиб қўйилган эди. Бундан ташқари, Хитой аҳолисига YouTube ва Google интернет-сервисларига кириш ҳам ман қилиб қўйилган.