20 сентябрда Германия Бундеслигасининг 5-турида Дортмунднинг “Боруссия” клуби ўз уйида “Байер”ни 3:0 ҳисобида ютди. Тўпларни Йонас Хофман, Синдзи Кагава ва Пьер-Эмерик Обамейянг киритди. Дортмундликлар ушбу мавсум бошлангандан бери кетма-кет 5-ғалабага эришдилар ва “Бавария” каби 15 очкога эга бўлмоқдалар.
Германия Бундеслигаси. 5- тур
Боруссия Д (Дортмунд) – Байер (Леверкузен) – 3:0
Голлар: Хофман, 19 (1:0); Кагава, 58 (2:0); Обамейянг, 74 (3:0, пен).
Турнинг яна бир учрашувида “Штутгарт” ўз майдонида “Шальке”га 0:1 ҳисоби билан имкониятни бой берди. Шу тариқа “шваблар” кетма-кет 5 ўйиндан бери мағлубиятга учрамоқдалар. Учрашувдаги ягона тўпни 53-дақиқада Лерой Зане киритди.
Мусобақа жадвалида “Шальке” 10 очко билан 4-ўринни, “Штутгарт” эса охиридан битта олдинги 17-ўринни эгалламоқда.
Штутгарт (Штутгарт) – Шальке-04 (Гельзенкирхен) – 0:1
Голлар: Зане, 53 (0:1).
Турнинг яна бир учрашувида “Аугсбург” ўз майдонида “Ганновер”ни 2:0 ҳисобида мағлуб этди ва чемпионатдаги илк ғалабасига эришди.
Аугсбург – Ганновер 2:0
Голлар: Эшвайн, 29 (1:0), Верхаф, 32 (2:0, пен.)