Хитойда АҚШ фуқароси бўлган аёл ХХР миллий хавфсизлигига раҳна солувчи фаолият билан шуғулланганликда айбланиб ҳибсга олинган. Бу ҳақда ХХР ТИВ расмий вакили Хун Лэй маълум қилди.
Унинг сўзларига кўра, Хитой миллий хавфсизлигига таҳдид солувчи фаолият билан шуғулланган америкалик аёлнинг иши айни пайтда тегишли органлар томонидан кўриб чиқилмоқда.
Хун Лэйнинг ойдинлик киритишича, қўлга олинганнинг саломатлиги меъёрида. Шу вақтгача Америка консуллиги у билан олти маротаба суҳбат олиб борган.
“Аёл терговчилар билан ҳамкорлик олиб бормоқда”, - деди дипломат.
Америка фуқаросининг қўлга олингани тўғрисидаги хабар ХХР раиси Си Цзиньпин АҚШга ташриф буюрган биринчи куни тарқалди.