Тошкентда Lacetti ичидан 1.5 млн сўм ўғирлаб кетишга ҳаракат қилган эркак қўлга олинди. Бу ҳақда “Огоҳ” газетаси хабар бермоқда.
Айтилишича, 1962 йилда туғилган, ҳеч қаерда ишламайдиган Маҳмуд Расулов ярим тунда маҳаллалар ичида айланиб юриб, қаровсиз қолган машинага кўзи тушган. У ўзи билан бирга олиб юрадиган калитлар тўпламидан бирини танлаб, машинани очган ва салондаги 1.5 млн сўм пулни олиб, кетмоқчи бўлган.
Шу пайтда воқеа жойига патруль машинаси келиб қолиб, жиноятчини қўлга олган.
