Туркия жануби-ғарбидаги Диёрбакир шаҳрида икки маротаба рўй берган портлаш натижасида бир полициячи ҳалок бўлди, уч нафари жароҳатланди, дея хабар қилди Haberturk телеканали полициядаги манбаси маълумотига асосланган ҳолда.
Шанба, 10 октябрь куни эрта тонгдан Диёрбакирнинг Сур туманида комендантлик соати эълон қилиниб, 6 бронемашина ва 2 вертолёт иштирокида аксилтеррор операцияси бошланган эди. Бинолар томидан снайпер билан қуролланган ҳарбийлар жой олган. Портловчи ускуналар эса амалиёт ўтказилаётган вақтда кўчада ҳаракатга келтирилган.
