Ўзбекистоннинг ярмарка ва форумлар ташкил қилишдаги фаоллиги, шунингдек, унинг чет элдаги мана шундай тадбирлардаги фаоллиги ишбилармон жамоаларнинг қизиқишини уйғотмоқда. Бу ҳақда Жидда шаҳри Савдо-саноат палатаси раиси ўринбосари Зиёд Бассом баёнот берди.
“Жидда шаҳри Савдо-саноат палатаси ва Саудия Арабистони ишбилармонлари икки томонлама савдо-иқтисодий алоқаларни ривожлантиришга қизиқмоқдалар. Бунда турли соҳалардаги алоқаларни мустаҳкамлаш кўзда тутилмоқда”, - унинг сўзларини келтиради “Жаҳон” агентлиги.
“Ўзбекистон катта иқтисодий имкониятлар мамлакатидир, у табиий ва минерал ресурсларга бойдир. Республика пахта етиштириш бўйича бешинчи, экспорт қилиш бўйича тўртинчи, олтин ва газ қазиб олиш бўйича эса еттинчи ва саккизинчи ўринда туради”, - қўшимча қилди Саудия вакили.