УЕФАнинг биринчи вице-президенти ва 2018 йилда Россияда ўтказиладиган жаҳон чемпионати ташкилий қўмитаси раҳбари, испаниялик футбол амалдори Анхель Мария Вильяр ФИФА ахлоқ қўмитасининг "қора рўйхати"га киритилгани хабар қилинмоқда. У Германияда 2006 йилги мундиални ўтказиш бўйича тузилган қўмитага раҳбарлик қилган Франц Беккенбауэр билан биргаликда порахўрликда гумон қилинаётганлар сафида. Бу ҳақда ташкилотнинг расмий сайтида маълум қилинган.
Хабарда айтилишича, Анхель Вильяр ва Франц Беккенбауэр 2006 йилги ЖЧ мезбонини аниқлаш вақтида овозларни сотиб олганликда гумон қилинишмоқда.
Франц Беккенбауэр 2014 йилнинг июнида Қатардаги 2022 йилги ЖЧ бўйича текширувларда иштирок этишдан бош тортгани учун ташкилотдан четлатилганди.
ФИФА ахлоқ қўмитаси Йозеф Блаттер, Мишель Платини ва Жером Вальке бўйича текширувларни давом эттирмоқда.
Эслатиб ўтамиз, ўтган ҳафтада Анхель Вильяр УЕФАнинг ижрочи директори этиб тайинланганди.