Иордания пойтахтида пиротехника маҳсулотларининг икки контейнири портлаши оқибатида беш киши ҳалок бўлди, ўн киши эса жароҳатланди, деб хабар бермоқда Ассошиэйтед Пресс агентлиги мамлакат фуқаролар хавфсизлиги вакили Ияд ал-Амернинг маълумотига асосланиб.
Воқеа душанба куни Амманнинг божхона омборхоналаридан бирида содир бўлган. Агентликнинг маълум қилишича, воеа жойида қуюқ тутун кўтарилган.
Ияд ал-Амернинг сўзларига кўра, жароҳат олганларнинг айримлари оғир аҳволда. Унинг таъкидлашича, Иордания бош вазири ҳамда ички ишлар вазири воқеа жойига йўл олган.