АҚШнинг Вашингтон штатида қотиллик амалга ошириш мақсадида одам ўғирлаш айби билан уч ўсмир ҳибсга олинди. Ўсмирлар Кеневик шаҳрида Хезел Абель исмли 86 ёшли кампирни ўз уйидан ўғирлаб, аёлни ўз автомобили юкхонасида Орегон штатига олиб кетишган. Бу ҳақда Вашингтон штати округ шерифи бошқармаси вакилига иқтибос келтирган ҳолда Reuters ахборот агентлиги маълум қилди.
Ёш босқинчилар Портленд шаҳри яқинидаги Малтнома графлигидаги дўкон олдида тўхтаб, харид учун дўконга кириб кетишганда кекса аёл юкхона эшигини ичкаридан очиб, ёрдамга чақиришга муваффақ бўлган. Жиноятчилар қўлга олинди. Улар 14 ва 15 ёшли икки ўсмир ҳамда 16 ёшли қиз бўлган. Уларнинг барчаси аёл яшаган шаҳарда истиқомат қилган.
Кекса аёлга тиббий ёрдам кўрсатишга эҳтиёж бўлмади, у воқеадан кейин тўғри уйига йўл олди. Жиноятчилар ўз қилмишлари учун суд олдида жавоб берадилар, деб айтди полиция вакили.