41 ёшли россиялик актёр Марат Башаров ўзининг собиқ рафиқаси, 40 ёшли актриса Екатерина Архаровада мия ўсимтаси аниқланганини журналистлардан билди. Улар бир йилдан бери ажрашишганларига қарамасдан, актёр собиқ рафиқасининг саломатлигидан қаттиқ хавотирланмоқда. Бироқ Екатерина Архарова унга бу ҳақда айтишга ошиқмаяпти. Архарова собиқ эрининг қўнғироқларига жавоб бермаяпти. Марат Башаров SUPER нашрига берган интервьюсида собиқ рафиқасига ёрдам бермоқчи эканлигини айтди.
“Тўғрисини айтсам, Катянинг касал эканлиги мен учун янгилик бўлди. Мен унга қўнғироқ қиляпман, бироқ у жавоб бермаяпти. Мен унга ёрдам бермоқчиман. Биз у билан роппа-роса бир йил гаплашмадик. Шунинг учун мен нима бўлаётганидан бехабарман. Мен Катя билан гаплашиб олмагунимча ҳеч нарсани тушунмайман. Бу, албатта аянчли. Мен албатта унга қўнғироқ қилиб тушаман. Мен у билан гаплашиб олмоқчиман”, деб айтди актёр.
Куни-кеча актёрнинг собиқ рафиқасида мия ўсимтаси топилгани маълум қилинганди. Марат ва Катя бир йил аввал Марат Катяни қаттиқ ургандан кейин ажрашиб кетишган. Бироқ ўтган ойда Марат ўзининг собиқ рафиқасига ошкор тарзда фейсбукдаги саҳифаси орқали севгисини изҳор қилган.
Актрисанинг айтишича, у Марат томондан калтаклангандан кейин бошида шовқин сеза бошлаган. Катя бир нечта клиникаларда текширувдан ўтгандан кейин унга бош миянинг жароҳатдан кейинги менингиомаси ташхиси қўйилган. Катянинг тан олишича, ўсимта ҳаёт учун хавфли эмас.