Кўзларини боғлаб олган ҳолда “Мен мусулмонман, лекин менга сен террористсан, дейишди”, “Мен сенга ишонаман, сен ҳам менга ишонасанми? Агар “ҳа” десанг, мени бағрингга бос” жумлаларини ёзиб олган мусулмон йигитини парижликлар бер неча соат давомида бағрига босишди. Айримлар ҳаттоки кўз ёшларини яширишмади.
Якунда у барчага мурожаат қилиб, “Мен мусулмонман, лекин бу мени террористга айлантирмайди. Мен ҳеч қачон ҳеч кимни ўлдирмаганман. Мен сизларга айта оламанки, ўтган жума (13 ноябрь) куни менинг туғилган куним эди, бироқ мен ташқарига чиқа олмадим. Қурбон бўлганларнинг оилаларига чуқур таъзиямни изҳор этаман”, қабилидаги фикрларини айтиб ўтди.