"Ливерпуль" жамоаси бош мураббийи Юрген Клопп "Шахтёр"дан бразилиялик ҳужумчи Алекс Тейшейранинг трансфер қилинишида муваффақиятсизликка учралганига ўз муносабатини билдириб ўтди.
"Агар сен 26 ёшда бўлсанг ва сенда шундай ажойиб таклиф бўлса, бу ҳақда яхшилаб ўйлаб кўришинг керак бўлади. Айтишим мумкинки, Тейшейра, "Ливерпуль"да ўйнашни эмас, Хитойнинг "Цзянсу" жамоасини танлаш орқали ўз болаларининг ва бошқа қариндошларининг келажагини таъминлаб қўйди.
Мен унинг қароридан ранжиганим йўқ. Футболда бундай воқеалар одатий ҳол", дейди у.
Эслатиб ўтамиз, "Ливерпуль" анча вақтдан буён "Шахтёр"нинг ушбу футболчисини ўз таркибига қўшиб олиш учун жиддий ҳаракат қилиб келди, лекин якунда трансфер учун украиналикларга кўпроқ, футболчининг ўзига эса йилига 12 млн евродан иборат маош таклиф этган "Цзянсу" жамоаси уни "илиб кетди".
Хитойнинг яна бир жамоаси рекорд даражадаги маблағ эвазига футболчи сотиб олди
"Шахтёр" Тейшейранинг "Цзянсу Сайнти" жамоасига трансфер қилинганини тасдиқлади