Жаҳондаги йирик нефть компаниялари хом ашё нархининг тушиб кетаётгани манзарасида инқироздан сақланиб қолиш мақсадида тараққиёт стратегиясини ўзгартирмоқда, дея хабар тарқатди Reuters.
Жумладан, ўтган 2015 йилда компаниялар миллиардлик лойиҳалардан воз кечган ҳолда ўз харажатлари миқдорини сезиларли даражада камайтирди. Шунингдек, айрим ташкилотлар фаолиятнинг баъзи бир кўриниши ёки алоҳида ҳудудлар учун ихтисослашувларни амалга оширди.
Жумладан, Американинг Chevron, ConocoPhillips ва Hess Corp компаниялари чуқур сув ости конларидаги ишланмалардан воз кечиб, сланецли нефтга урғу қаратди.
Британиянинг ВР компанияси эса Мисрнинг газ шельфларига маблағ тикди. Қайд этилишича, компания мазкур лойиҳага 12 миллиард доллар сармоя кириьди. Royal Dutch Shell эса ўз рақобатчиси BG Group`ни 50 миллиард доллар ҳисобига харид қилиш орқали келажагини таъминлашни мақсад қилган.