АҚШнинг General Motors концерни тормоздаги носозлик туфайли 470 мингта автомобилини ортга қайтариб олмоқда, деб хабар бермоқда Reuters ахборот агентлиги.
Таъкидланишича, АҚШда 426 минг 573 та 2015-2016 йилларда ишлаб чиқарилган Chevrolet Silverado HD, GMC Sierra HD ва Chevrolet Tahoe машиналари қайтариб олинмоқда. Шунингдек, Канадада 46 минг 837 та Chevrolet Tahoe қайтариб олинади.
GM’да маълум қилинишича, бу машиналарда тормоз тепкиси нуқсони кузатилиши мумкин, бу носозлик туфайли тепки босишга керагича жавоб бермайди ёки умуман ишламай қолиши мумкин. Концерн бу носозлик қандайдир автофалокатларга олиб келгани ҳақида маълумотларга эга эмас.
Автомобиллар техник хизмат кўрсатиш станцияларига қайтарилади ва у ерда зарурият бўлса, таъмирлаш ўтказилади.