Украинанинг Одесса вилояти губернатори Михаил Саакашвили давлат раҳбарлигига ўз номзодини қўйиш нияти бор-йўқлиги ҳақидаги саволларга жавоб қайтарди.
“Бўлмаган гап! Албатта, йўқ! Ҳатто энг қўрқинчли тушимда ҳам буни тасаввур қила олмайман”, – деди у журналистларга.
Саакашвили Мюнхендаги хавфсизликка бағишланган конференцияда иштрок этмоқда.
“Ҳафта кўзгуси. Украина” нашрида Украина Ички ишлар вазири Арсен Аваков ўз интервьюсида Саакашвили гўёки унга бош вазирлик ва вице-премьер лавозимларини ўзаро бўлишиб олишни таклиф этганини ҳақида гапирганди.
Вазир, шунингдек, Саакашвилининг Украина сиёсатидаги келажаги ҳақида ҳам ўз тасаввурларини маълум қилди.
Унинг айтишича, губернатор аллақачон давлатнинг ҳозирги раҳбари Петро Порошенко сиёсатининг тарафдорига айланиб бўлган.
“Агар сайлов бўлса, у (режалаштирилаётгандек) президент командасининг иккинчи колоннаси деб ном олган махсус блокини бошқаради, кейин сайловлар тугаши билан ўз билганидек иш юрита бошлайди” деди амалдор.