«Манчестер Юнайтед» жамоаси бош мураббийи Луи ван Гаал унга қарата йўлланадиган танқидлардан ташвишга тушмаслигини билдирди.
«Мен ҳамиша ўз ишимга ўзим баҳо бераман ва танқидлар мен учун муаммо эмас. Мен сизлар билан бу масалани муҳокама этишни истамайман.
Биз ҳали Англия Кубогида ёки Европа Лигасида зафар қучиб, мавсумни сақлаб қолиш имкониятини сақлаб қолганмиз. Шунингдек, АПЛнинг тўртинчи ўрнини эгаллашимиз мумкин. Бу қийин вазифа бўлсада, назарий жиҳатдан имкониятимиз бор.
3 ойдан буён менинг ишдан ҳайдалишим ҳақида айтиб келишмоқда, аммо менинг жамоам ҳали ҳам барча турнирлардаги иштирокини давом эттирмоқда. Бу эса кўпчилик ҳамкасбларим уддалай олмаган ишдир», — дейди ван Гаал.
Айни вақтда манкунианлар жамоаси АПЛ турнир жадвалида 29 турдан кейин 47 очко тўплаган ҳолда 6-ўринда бормоқда. Жамоа ЕЧЛни тарк этгач, Европа Лигасида иштирок этишни бошлади. Турнирнинг нимчорак финалида «Манчестер Юнайтед» «Ливерпуль»га қарши жуфтлик ҳосил қилган. Ўтган ҳафтада ўтказилган биринчи учрашувда ван Гаал шогирдлари сафарда 0:2 ҳисобида мағлуб бўлишди. Жавоб учрашуви 17 март куни «Олд Траффорд»да ўтказилади.
Бугун, 13 март куни Англия Кубогининг чорак финалида «Манчестер Юнайтед» «Вест Ҳэм»га қарши ўйнайди.