Брюсселдаги портлашлар бутун Европани ларзага солди, бироқ террористларнинг нишонига айнан Бельгия танлангани ажабланарли эмас, деб ёзади The Guardian нашри.
Нашрда билдирилишича, бу кичик мамлакатда радикал фаолият учун шарт-шароит етарли эди. Улар орасида озчиликни ташкил этувчи мусулмонларга нисбатан шаклланган салбий муносабат, ишсизлик даражасининг юқорилиги, эркин қурол савдоси, транспорт ва алоқа тармоқларининг ривожланганлиги ҳамда сиёсий беқарорлик алоҳида ўрин тутади. Буларга қўшимча равишда белгиялик раҳбарларнинг етарли даражада огоҳ эмаслиги ушбу фожеаларнинг юз беришига замин яратди.
The Guardian нашрида ёзилишига кўра, терроризм муаммосининг илдизлари Яқин Шарқда тартибсизликлар бошланган саксонинчи ва тўқсонинчи йилларга бориб тақалади. Кўплаб экспертлар терроризмнинг бошланишини Алжирдаги Фуқаролик уруши бўлган Франция ва Белгия билан ҳам боғлашади.
Ўтган ўн йилликнинг биринчи ярмида, яъни террористлар Лондон ва Мадридга зарба берган пайтда Бельгияда экстримистга қарши курашиш чора-тадбирларига керагича эътибор қаратилмаган, террористлар эса куч тўплаб борган.
Суриядаги уруш бу жараённи тезлаштириб юборди, деб ёзишда давом этади нашр. Тахминан 500 нафар бельгиялик Яқин Шарққа урушда қатнашиш учун юборилди. Бу Европа мамлакатлари ўртасида энг катта рақам. Юборилганларнинг аксарияти ИШИД ва бошқа террористик гуруҳлар таъсирига тушиб, террористик ҳужумларга тайёрланган ҳолда Европага қайтдилар.