"Ювентус" жамоасининг 23 ёшли француз футболчиси Поль Погба ўз тасвиридан фойдаланиш ҳуқуқини қайтариб сотиб олиш учун 10 млн евро сарфлади.
У бундан олдинроқ, бу ҳуқуқни люксембурглик тадбиркор, ўз агенти Мино Райоланинг ҳамкори Волид Таназефтига сотганди.
L’Equipe нашрида ёзилишича, бу борадаги узоқ давом этган жараён футболчига, хусусан унинг Франция терма жамоасидаги ўйинларига ўз таъсирини кўрсатган.
Энди футболчи фақат футбол ҳақида қайғуриши мумкинлиги айтилган.
Жорий мавсумда Погба Италия А сериясининг 28та учрашувида майдонга тушган ва 6та гол уриб, 7та голли узатма муаллифи бўлган.