«ПСЖ» жамоаси бош мураббийи Лоран Блан ЕЧЛнинг чорак финалидаги тўқнашув олдидан «Манчестер Сити» футболчиси Самир Насри билдирган фикрларга жавоб қайтарди.
Инглиз жамоаси футболчиси шундай деганди: «Мен «ПСЖ» душанба куни Стокда «Вест Ҳэм»га қарши ёки «Арсенал» билан «Эмирейтс»да қандай ўйнашини кўришни истардим. «ПСЖ» «Барселона» эмас.
Блан Англия чемпионати вакилларининг премьер-лигадаги муваффақиятсиз иштирокига эътибор қаратган.
«Эҳтимол, Франция дивизиони у қадар кучли эмасдир. Мен бунга ўхшаш мунозаралардан чарчаганман.
Лекин менга қандай тушунтириб беришади, агар Англия чемпионати энг кучли чемпионат бўлса, нега ЕЧЛ чорак финалида фақат битта инглиз клуби қолган?
Эҳтимол, инглиз жамоалари чарчаб қолиш бўйича энг илғор жамоалардир? Премьер-лигани жамоалари мартга келибоқ толиқиб қолаётгани учун кучли турнир деб билиш мумкинми?.
Биз ўз лигамизда ўйнаймиз. Француз лигаси янада кучайиши керак.
Балки мен ноҳақдирман, лекин кейинги 5-6 йилда ЕЧЛнинг яримфиналларида инглиз жамоаларини деярли кўрмай қўйдим. Ҳар бир чемпионатнинг ўз муаммолари мавжуд, ишонаверинг», – дейди Блан.