«Ливерпуль» жамоаси бош мураббийи Юрген Клопп Дортмунднинг «Боруссия» жамоасига қарши икки ўйин натижасига кўра (1:1, 4:3) Европа Лигаси йўлланмаси қўлга киритилганидан кейин ўз фикрларини билдириб ўтди.
«Нима бўлганини тушунтириб бериш қийин. Бу «Энфилд»даги қойилмақом кеча бўлди. Тўғриси бу қандайдир даҳшатли ўйин эди.
Старриж ва Алленни майдонга ташлаётганда, уларга дедим: «Характер кўрсатишимиз керак». Агар ютқазиб, турнирни тарк этганимизда ҳам мен хафа бўлмасдим. Аммо биз шунчаки чиқиб кета олмасдик, мардонавор ўйин кўрсатишимиз керак эди ва биз ундан ҳам ортиқроқ ишни бажардик.
Бу Европа футболининг энг яхши намуналаридан бири бўлди. Ҳалигача шогирдларим кўрсатган ўйинга ишонишим қийин бўлмоқда. Йигитларни табриклайман.
Танаффус вақтида хурсанд эмасдик, аммо биз йўлни давом эттиришга қарор қилдик.
Бу ўйинни кўрган дортмундлик мухлислар ёки «Ливерпуль»га ишқибозлик қилмайдиган бошқа исталган мухлис айтиши мумкин: «Окей, футбол – жуда зўр ўйин».
Ҳозир ўнг қўлим оғрияпти, нима бўлганини билмайман, кимдир ургандир. Бу унутилмас кеча бўлди.
Биз ҳақиқий шайтонлар каби кураш олиб бордик – балки, бизнинг омадимиз келгандир, аммо биз ғалабага ҳақли эдик», – дейди Клопп BT Sport эфирида.