Интернетда Украина президенти Пётр Порошенконинг Украинадаги мактаблардан бирига ташрифидан олинган сурат чоп этилди. Суратдан кўринишича, президент информатика дарсига кирган.
Унинг атрофида эса ўқувчилар ўтирибди, бироқ нимагадир уларнинг ноутбуклари ўчирилган, болаларнинг ўзи эса целлофан плашлар кийиб олган ҳолатда эканликларини кўриш мумкин. Суратни украиналик журналист Юлия Савостина ижтимоий тармоқда чоп этди. Сурат фойдаланувчилар орасида кенг муҳокамага сабаб бўлди.
Баъзилар ўқувчиларга ачинишди. Бошқалар эса кинояли тарзда болалар келган меҳмонлардан ифлосланиб қолмасликлари учун шундай кийимда ўтиришганларини, яна бошқалари эса кейинги гал болаларга фольгадан шапкача ва плашлар кийгазиб қўйишни таклиф қилишди.
"Балки бу атом станциясидаги очиқ дарсдир. Белгача келадиган бахилалар кийиб олинган", деб кесатиқ билан ёзди яна бир фойдаланувчи.