Интернет тармоғида ўғирланган смартфон ва эҳтимолий ўғри ҳақидаги фильм тобора машҳур бўлиб бормоқда. Уни YouTube сайтида 4 млндан ортиқ киши томоша қилишга улгурган. Видео 13 декабрда эълон қилинган бўлиб, лавҳа муаллифи нидерландиялик талаба Энтони ван дер Мердир.
Талабанинг сўзларига кўра, у iPhone смартфонидан айрилиб қолганида, аниқроғи, ўғирлаб кетишганида, фильм суратга олишга қарор қилган. Ван дер Мер Android-смартфон харид қилиб, унга жосуслик дастурини ўрнатган ва унинг ўғирланишига имкон берган, деб ёзади Mashable.
Фильм муаллифи полицияга мурожаат қилган. Сўнгра, ўғирланган телефонга ўрнатилган янги SIM-картани кузата бошлаган, ундаги суратлар ва видеотасвирларни кўчирган. Фильм якунида ван дер Мернинг хабар қилишича, у смартфонни ўғирлагани тахмин қилинган киши билан ёнма-ён бўлиб қолган вақтлар ҳам бўлган. Аммо, у суратда кўрилганга умуман ўхшамаган. Тахминларга кўра, ўғри смартфондаги SIM-картани алмаштирган кўринади.
