Саудия Арабистони ташқи ишлар вазири Одил ал-Жубайр Ироқ пойтахти Бағдод шаҳрига ташриф билан келди, деб хабар бермоқда Франс Пресс агентлиги ироқлик амалдорларга асосан.
Ироқ ташқи ишлар вазирлигининг ўз номини ошкор этмаган вакилининг агентликка хабар беришича, Ал-Жубайр шанба куни ироқлик ҳамкасби Иброҳим ал-Жаафари билан учрашган.
Бошқа бир ироқлик амалдорнинг сўзларига кўра, бу қироллик ТИВ раҳбарининг Ироққа 2003 йилдан бери илк ташрифидир.
"Бу ташриф муносабатларни тиклаш ҳамда уларни аввалгига қараганда барқарорлаштиришга қаратилган. Бу шундай даражадаги биринчи ташриф", - дея маълум қилди агентлик манбаси.