Фото: The Washington Times
Пентагон раҳбари Жеймс Мэттиснинг маълум қилишича, АҚШ Шимолий Кореяга нисбатан ҳарбий куч қўллашга тайёр, бироқ вазиятни дипломатик йўл билан ҳал қилишга ҳам ҳаракат қилмоқда. Бу ҳақда The Washington Times хабар берди.
«Вазиятга ҳарбий йўл билан ечим топиш вариантлари борми? Албатта. Уларнинг тайёрлаб қўйиш менинг вазифам», - деди у.
Шу билан бирга, Мэттиснинг таъкидлашича, АҚШ КХДР билан мулоқот давомида дипломатияни қўллаш ниятида.
Аввалроқ Пентагонда КХДР ҳарбий объектларига огоҳлантирувчи зарба бериш бўйича режа борлиги хабар қилинганди.
