Ўзбекистон бокс терма жамоаси аъзоси саналган Муроджон Аҳмадалиев (-56 кг), Элнур Абдураимов (-60 кг) ва Баҳодир Жалолов (+91 кг) яқин келажакда профессионал боксдаги иштирокини бошлаши мумкин.
KUN.UZ манбаси берган хабарга кўра, ушбу боксчиларнинг барчаси АҚШда жангларга тайёргарлик кўриши ва рингга чиқиши мумкин. Ҳозирча уларнинг қайси промоутерлик компанияси билан ишлаш ниятида экани маълум эмас. Лекин катта эҳтимол билан бу Top Rank промоутерлик компанияси бўлиши мумкин.
Эслатиб ўтамиз, 2016 йилги ёзги Олимпиада ўйинлари чемпиони Фазлиддин Ғойибназаров айнан Top Rank промоутерлик компанияси бошчилигида жангларга чиқади.
