2018 йил 4 май куни Сирдарё вилоятининг Сайхунобод туманида яшовчи А.А. туман МИБга ариза билан мурожаат қилган. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.
У 2018 йил март ойи охирларида “Сайхунобод туман электр тармоқлари” корхонаси юристи, муқаддам судланган С.О., фуқаро А.А.нинг уйига келиб, у томонидан сарф қилинган электр энергияси қарздорлигини камайтириб беришини ваъда қилиб, ундан алдаш йўли билан 150.000 сўм пулини олиб, шу кунгача берган ваъдасини бажармай келаётганлигини маълум қилган.
Қайд этилишича, С.О. ушланган.
