Мексика президенти этиб сайланган, ўз лавозимига 1 декабрь куни киришадиган Андрес Мануэль Лопес Обрадор президентлик саройига кўчиб ўтганидан сўнг, у ерда гамак қўйиши ҳақида маълум қилди. Мексика раҳбарининг сўзлари РИА «Новости» томонидан келтирилган.
Аввалроқ, Обрадор Мехиконинг ҳашаматли туманидаги «Сосни» президентлик саройидан фойдаланмаслиги ҳақида эълон қилганди. У бунинг ўрнига Сокало марказий майдонидаги Миллий саройда доимий яшаши ҳақида ваъда берган.
«Мен саройни ёпмайман, йўқ! Менга фақатгина йиғма каравот ва гамак ўрнатиш учун озгина бўш жой керак бўлади», - дея айтиб ўтди Обрадор.
Ҳозирги вақтда Миллий сарой бир вақтнинг ўзида миллий музей ва шаҳардаги президентлик қароргоҳи функцияларини бажаради. У нуфузли бўлмаган туманда жойлашган.
Эслатиб ўтамиз, аввалроқ Мексика прокуратураси иккита трейлерда 300та чириётган жасадни сақлаётгани хабар берилганди.
