Фото: Laszlo Balogh/Getty images
АҚШ давлат котиби Майк Помпео Эронга қаршилик қилмасдан туриб Яқин Шарқда тинчлик ўрнатиб бўлмаслигини айтди.
У Варшавада бўлиб ўтаётган Яқин Шарқ бўйича конференцияда ана шундай баёнот берди.
"Эронга қаршилик қилмасдан туриб Яқин Шарқда тинчлик ва барқарорликка эришиб бўлмайди. Бунинг шунчаки иложи йўқ", - деди Помпео ва Эроннинг Ливан, Яман, Сурия ва Ироқдаги "ёвуз таъсири"ни эслатди.
"Исроил бош вазири ва етакчи араб давлатларининг ташқи ишлар вазирлари ёнма-ён бўлишди ва ғайриоддий куч, аниқлик ва биргаликда Эрон режимининг умумий таҳдидига қарши фикр билдиришди", -деди у.
Эрон ташқи ишлар вазири Жавод Зариф Варшавада ташкил этилган мазкур конференцияни "ўлик туғилган" деб атади.
