Бангкокда ўтаётган Осиё чемпионатининг иккинчи кунида эркаклар ўртасидаги баҳсларда қатнашган беш нафар ўзбекистонлик спортчининг барчаси ғалаба қозониб, кейинги босқичга чиқди.
Дастлаб -49 кг вазн тоифасида Нодиржон Мирзааҳмедов япониялик Даичи Хасебэни қийинчиликсиз мағлуб этди. Шундан кейин -60 кг вазн тоифасида Шукуржон Раҳимов КХДР вакили Чол Ман Чодан устун келди.
Кечки дастурда эса Осиё ўйинлари чемпиони Миразизбек Мирзахалилов (-56 кг) қирғизистонлик Алманбет Алибековга қарши рингга чиқди ва яққол устунлик билан 3:0 ҳисобида ғалаба қозонди. Сўнг Шунқор Абдурасулов (-64 кг) турнирдаги иккинчи жангини покистонлик Амир Масудга қарши ўтказиб, ишончли ғалаба билан чорак финалга йўл олди. Терма жамоанинг энг номдор вакилларидан Исроил Мадримов (-75 кг) дастлабки жангида ортиқча қийинчиликсиз вьетнамлик Трунг Вуни мағлуб этди.
Аёллар ўртасидаги баҳсларда эса -54 кг вазнда Турсуной Раҳимова хитойлик Киан Шига ютқазган бўлса, -69 кг вазнда Шаҳноза Юнусова тожикистонлик Нилуфар Бобоёровани мағлубиятга учратди.
