Мексикалик боксчи Сауль Альварес Лас-Вегасда ўтган 12 раундлик бокс жангида америкалик Дэниел Жейкобсни очколар бўйича мағлуб этди.
Альварес ушбу жангда WBA ва WBC камарларини ҳимоялаган ва Жейкобсдан IBF камарини тортиб олган. У шу тариқа учта чемпионлик камарини ўзида мужассамлаштирди.
Сауль WBA ва WBC чемпионлик камарларини 2018 йил сентябрда қозоғистонлик енгилмас боксчи Геннадий Головкин устидан ғалаба қозониб қўлга киритганди.
Мексикалик боксчининг ҳисобида 52 та ғалаба, битта мағлубият ва 2 та дуранг жанг бор. Бу жанг унинг DAZN стриминг хизмати билан 365 млн долларлик шартномаси бўйича 2-жанги бўлди.
Шартномага кўра боксчи 2023 йилгача 11 та жанг ўтказиши керак. Ушбу шартнома бўйича дебют жангда Альварес 2018 йил декабрда британиялик Рокки Филдингни техник нокаут билан мағлуб этган.
