АҚШ давлат бюджети тақчиллиги 10 йил ичида илк бор 1 трлн долларга етди. Бу ҳақда АҚШ молия вазирлиги маълум қилди.
ОАВ маълумотларига кўра, йиллик ҳисобда бюджет тақчиллиги 19 фоизга ошган. АҚШ даромадлари 3 фоизга кўпайган ва 3 трлндан кўпроқни ташкил қилган, шу вақт ичида харажатлар 4,15 трлн доллардан ошган.
АҚШ бюджети катта даромадни Хитой ва бошқа давлатлар билан савдо ихтилофлари ва бож тўловларидан тушган даромадлар ҳисобига олган.