Хоразм вилояти ва Қорақалпоғистон Республикасининг бир қанча туманлари фуқаролари «Human хусусий бандлик агентлиги» МЧЖ устидан шикоят қилиб, Kun.uz таҳририятига мурожаат қилишди.
Тошкент шаҳрининг Яккасарой туманида рўйхатдан ўтган бу ташкилот 2019 йилда Хоразм вилояти маркази Урганч шаҳрида ҳам ваколатхонасини очган ва фуқароларни Европа ҳамда Осиё мамлакатларига ишга юборишга ваъда бериб, улар билан шартнома имзолаб, катта миқдордаги маблағларни олган. Айни пайтда фуқаролардан ҳеч ким ишга жўнатилмаган, уларнинг пуллари ҳам қайтариб берилмаган.
Мурожаатчилар номидан сўзлаган Алишер Джуманиязов қуйидагиларни баён қилди.
«Биз март ойида «Human хусусий бандлик агентлиги» МЧЖ билан шартнома имзоладик. Бандлик ва меҳнат муносабатлари вазирлиги томонидан уларга лицензия берилган экан. Биз шунга ишонгандик. Катта миқдордаги пулларни «Human хусусий бандлик агентлиги» ҳисоб рақамига ўтказиб берганмиз. Хоразм вилояти ваколатхонаси раҳбари Жасур Абдуллаев бизга 15 июнда ишчиларнинг дастлабки гуруҳи хорижга жўнатилишини ваъда қилган ва пулларни тезроқ тўлашга ундаган эди. Афсуски, июнь ойида ҳам, июль ва августда ҳам ҳеч ким ишга юборилмади. Сентябрь ойида «Human хусусий бандлик агентлиги» Ўзбекистондан ҳеч кимни ишга юбора олмагани, раҳбарият устидан эса жиноий иш очилганини билдик. Пулларимизни қайтариб беришларини сўраб ариза ёзганмиз, аммо ҳануз ололмаяпмиз», - дейди Джуманиязов.
Хоразм вилояти ва Қорақалпоғистон Республикасида яшовчи 50дан ортиқ фуқаро 11,5 миллион сўмдан 35 миллион сўмгача бўлган маблағни «Human хусусий бандлик агентлиги»га ўтказиб беришган. Уларга Германия, Литва, Польша, Чехия ва Япония каби мамлакатлардан иш ваъда қилинган. Аммо ҳозирги кунда иш ҳам, пул ҳам йўқ.
Мурожаатчилар йиллар давомида меҳнат қилиб, топган пулларини, таниш-билишлардан қарз сифатида олган маблағларни «Human хусусий бандлик агентлиги»га ўтказиб беришганини, шунингдек, автомашиналарини ва бошқа қимматли буюмларини сотиб, шартнома пулларини тўлаганларини айтишмоқда. Улар ҳукуматдан, ҳуқуқ-тартибот идораларидан амалий ёрдам кутишяпти.
«Human хусусий бандлик агентлиги» билан шартнома имзолаб, пул ўтказиб берган қуйидаги фуқаролар мурожаатга имзо чекишган: Қолдиев Муродбек (Урганч шаҳри, 11,5 миллион сўм), Иззатбек Хўжаназров (Боғот тумани, 11,5 миллион сўм), Жамшид Ўрозметов (Гурлан тумани, 11,5 миллион сўм), Азамат Кожантоев (Тўрткўл тумани, 11,5 миллион сўм), Ойбек Матяқубов (Боғот тумани, 35 миллион сўм), Искандар Исмаилов (Ҳазорасп тумани, 12,5 миллион сўм), Журъат Тожиев (Урганч шаҳри, 35 миллион сўм), Рашид Ўринов (Боғот тумани, 11,5 миллион сўм), Зафар Рўзимов (Ҳазорасп тумани, 11,5 миллион сўм), Дилёр Камолбердиев (Ҳазорасп тумани, 11,5 миллион сўм), Қувондиқ Кенжаев (Ҳазорасп тумани, 12,5 миллион сўм), Сардор Раҳимов (Урганч шаҳри, 35 миллион сўм), Ринат Болтабоев (Хонқа тумани, 11,5 миллион сўм), Радик Болтабоев (Хонқа тумани, 11,5 миллион сўм), Ҳамид Эшметов (Янгиариқ тумани, 11,5 миллион сўм), Валижон Эшметов (Янгиариқ тумани, 11,5 миллион сўм), Ферузбек Маткаримов (Ҳазорасп тумани, 11,5 миллион сўм), Нодирбек Исмоилов (Урганч шаҳри, 35 миллион сўм), Ҳамид Қаландаров (Хива шаҳри, 35 миллион сўм), Ферузбек Рўзимов (Ҳазорасп тумани, 11,5 миллион сўм), Умар Худойберганов (Шовот тумани, 35 миллион сўм), Алишер Джуманиязов (Ҳазорасп тумани, 11,5 миллион сўм), Шерози Қодиров (Хонқа тумани, 11,5 миллион сўм), Ғайрат Ҳамроев (ҚҚР, Амударё тумани, 11,5 миллион сўм), Жамол Хўжаниязов (Шовот тумани, 11 миллион сўм), Ринат Эрназаров (Боғот тумани, 11,5 миллион сўм), Собирбой Эсонов (ҚҚР, Тўрткўл тумани, 11,5 миллион сўм), Даврон Матяқубов (Ҳазорасп тумани, 35 миллион сўм), Зафарбек Мадраҳимов (Ҳазорасп тумани, 11,5 миллион сўм), Мақсуд Сотимов (ҚҚР, Тўрткўл тумани, 11,5 миллион сўм), Жўрабек Абдуллаев (ҚҚР, Тўрткўл тумани, 11,5 миллион сўм), Бобур Ибодуллаев (ҚҚР, Тўрткўл тумани, 11,5 миллион сўм), Хуршид Ханназаров (Урганч тумани, 11,5 миллион сўм), Саъдулла Эсенов (ҚҚР, Тўрткўл тумани, 11,5 миллион сўм), Қувондиқ Абдуллаев (Янгиариқ тумани, 11,5 миллион сўм), Алишер Ҳайдаров (Гурлан тумани, 11,5 миллион сўм), Аброр Ҳайдаров (Гурлан тумани, 11,5 миллион сўм), Баҳодир Шокиров (Ҳазорасп тумани, 11,5 миллион сўм), Музаффар Қурбонов (Ҳазорасп тумани, 12,5 миллион сўм), Жавоҳир Садуллаев (Боғот тумани, 11,5 миллион сўм), Бобир Исмоилов (Ҳазорасп тумани, 12,5 миллион сўм), Шокир Махмудов (Хива тумани, 12,5 миллион сўм), Мансур Махмудов (Хива тумани, 12,5 миллион сўм), Отабек Сапаев (Хонқа тумани, 11,5 миллион сўм), Садулла Отажонов (Боғот тумани, 11,5 миллион сўм), Азизбек Салаев (ҚҚР, Тўрткўл тумани, 11,5 миллион сўм), Мардонбек Рўзметов (Боғот тумани, 11,5 миллион сўм), Хурсанд Маткаримов (Боғот тумани, 11,5 миллион сўм), Камолбек Мадрахимов (Боғот тумани, 11,5 миллион сўм), Баҳодир Шокиров (Ҳазорасп тумани, 11,5 миллион сўм), Сирожбек Садуллаев (Ҳазорасп тумани, 11,5 миллион сўм), Оғабек Шарипов (Янгиариқ тумани, 11,5 миллион сўм), Хожибой Рўзметов (Янгиариқ тумани, 11,5 миллион сўм).
Нурмуҳаммад Саид
