Тармоқдаги асосий ҳамкор билан биргаликда авариявий ва паст дебитли қудуқлар тикланмоқда. Ҳукумат қарорига мувофиқ қазиб олинаётган газ тўлалигича аҳоли эҳтиёжи учун йўналтирилмоқда.
8 декабр куни ГРП усули қўлланилиши ортидан Илм-5 қудуғининг кунлик дебити 30 минг дан 80 минг куб м гача ортди.
Газ узатиш инфратузилмасинининг ўтказувчанлик имкониятини кенгайтириш ҳисобига аҳолини зарур ресурс билан таъминлаш мақсадида «Ўзбекнефтгаз» АЖ билан ҳамжиҳатликда янги газ қувурлари қурилиши олиб борилмоқда: «Назарқудуқ ЙП – Шўртаннефтгаз» (67 км), «Тандирча ЙП – Шўртаннефтгаз» (45 км) ва «Чигил ЙП – Муборак ГҚИЗ» (110 км).
Қувур тортиш ишларининг суръати кунига ўртача 4 км ни ташкил этиб, ишлар кечаю-кундуз олиб борилмоқда.
«Назарқудуқ ЙП – Шўртаннефтгаз» йўналишидаги газ узатиш қувурлари пневматик синовларга тайёрланмоқда.
8 декабр ҳолатига жами: келтириш учун юкланган қувурлар – 32,5 минг тн, келтирилган қувурлар – 20 минг тн, кавланган зовурлар – 57,9 км, қаторга пайвандланган қувурлар – 80,9 км ва ётқизилган қувурлар – 31,1 км ни ташкил этди.
EPSILON компанияси Матбуот хизмати
