Ҳозирда чартер рейслар амалга оширилмоқда, лекин нимагадир АҚШга чартер рейс қўйилмаган. АҚШдан Ўзбекистонга келмоқчи бўлган фуқаролар кўп. Илтимос, АҚШга чартер рейс қўйилиши тўғрисида батафсил тўхталиб ўтсангиз.
АОКА штабига келиб тушган ушбу саволга 10 июнь кунги брифингда Транспорт вазирининг матбуот котиби Наврўз Ашурматов жавоб берди.
«Чартер рейслар фақатгина Республика махсус комиссияси қарори билан йўлга қўйилади.
Қачон чартер қўйиш масаласи Ўзбекистондаги стационар карантин ўринларининг сони ва бошқа омилларни кўриб чиққан ҳолатда белгиланади», – дея вазирлик расмийсининг жавоби келтирилди «Расмий хабарлар» каналида.
Эслатиб ўтамиз, аввалроқ 22 июнгача режалаштирилган чартер рейслар бўйича маълумот берилган эди.
