Жорий йилнинг 20 июн куни Талимаржон-12 янги қудуғида углеводородлар ҳажмини ошириш бўйича замонавий технологияларни қўллаган ҳолда комплекс ишлар якунланди. Қудуқнинг сермаҳсул оралиқларида мульти-ГРП амалиёти ўтказилиши натижасида газнинг кунлик оқими 50%га ошди.
Эслатиб ўтамизки, 31 май куни мазкур янги қудуқ синовдан ўтказилганида ундан очиқ стволдаги кунлик дебити 200 минг куб.м га тенг бўлган газнинг саноат миқёсидаги оқими олинган эди.
Барча ишлар санитария-эпидемиология талаблари ҳамда экология мезонларига қатъий амал қилинган ҳолда олиб борилмоқда.
Қазиб олинаётган углеводородларнинг ҳаммаси аҳоли эҳтиёжи учун мамлакат ички бозорига юборилмоқда.
Epsilon Матбуот хизмати
