Туркия ва АҚШ С-400 масаласини ҳал этиш бўйича ишчи гуруҳ тузди

Туркия ташқи ишлар вазири Мавлут Човушўғлунинг қайд этишича, Вашингтон Туркияга қарши санкциялар киритганидан кейиноқ ҳамкорлик таклиф қилган.

Фото: ТАСС

Туркия ва АҚШ Анқара Россиядан сотиб олган С-400 зенит ракета тизимлари масаласини ҳал қилиш бўйича қўшма ишчи гуруҳ тузди. Бу ҳақда Туркия ташқи ишлар вазири Мавлут Човушўғлу маълум қилди.

 "С-400 бўйича АҚШ билан қўшма ишчи гуруҳ ташкил этилди, техник музокаралар бошланди", - деди Човушўғлу.

 Унинг қайд этишича, Вашингтон Туркияга қарши санкциялар киритганидан кейиноқ ҳамкорлик таклиф қилган.

"Биз АҚШнинг янги маъмурияти билан ижобий муносабатларни ушлаб туришга ҳаракат қиламиз", - деб қўшиб қўйди у.

 Аввалроқ АҚШ Туркия Россиянинг С-400 зенит ракета тизимларини сотиб олгани учун мамлакат мудофаа саноати котибияти ва унинг раҳбари Исмоил Демирга нисбатан санкциялар жорий этганди.

Туркия бунга жавобан Анқара АҚШ санкцияларини қоралаши ҳамда жавоб чоралари кўришини маълум қилди.