Ўзбекистон транспорт вазири в.б. Илҳом Маҳкамов Ҳиндистон элчиси Маниш Прабҳат билан учрашув ўтказди, деб хабар бермоқда «Дунё».
Хабарда айтилишича, учрашувда томонлар транспорт соҳасидаги ҳамкорлик алоқалари икки давлат муносабатларида муҳим аҳамиятга эга эканини қайд этган.
Мулоқотда икки томонлама авиақатновларни қайта тиклаш масаласи муҳокама этилган, мамлакатлар ўртасида транспорт йўлакларини аниқлаш бўйича биргаликдаги саъй-ҳаракатларнинг аҳамияти муҳим эканлиги таъкидланган.
Шу билан бирга, транспорт соҳасидаги мавжуд инвестиция лойиҳалари ҳам муҳокама этилди. Томонлар аввалги эришилган келишувлар юзасидан транспорт соҳасидаги ҳамкорлик алоқаларини янада мустаҳкамлаш зарурлигини қайд этди, дейилади маълумотда.
