Норвегия бош вазири Эрна Сулберг феврал ойида туғилган кунини нишонлаш вақтида карантин қоидаларини бузгани учун полиция томонидан сўроқ қилинди. Бош вазирга ушбу қоидабузарлиги учун 10 минг крона (1165 доллар) жарима солиниши мумкин.
“Биз тергов бошладик ва унинг доирасида бош вазирни сўроқ қилдик. Ҳозирча у якунланмади”, деб маълум қилган полиция инспектори Мортен Сендинг. Унинг таъкидлашича, ҳуқуқ-тартибот идоралари ушбу ҳолат юзасидан терговни жорий ҳафтада якунламоқчи.
Солберг 60 ёшини тоғ курортида нишонлаган. Юбилейда 13 киши қатнашган. Ваҳоланки, мамлакатда ўрнатилган карантин қоидаларига кўра 10 кишидан ошмайдиган таадбирларгагина рухсат берилган.
Бош вазир ушбу қоидабузарлик учун узр келтирган.
“Биз фикримизча коронавирус бўйича тавсияларга жавоб берган ресторанда кечки овқатни режалаштиргандик. Биз ресторанда учта стол буюртириб, ижтимоий масофага амал қилгандик”, деб айтган Норвегия бош вазири.
Карантинни қўллаб-қувватловчи бош вазирнинг ўзи қоидаларни бузгани Норвегияда кескин танқидга сабаб бўлган.
