Ўзбекистон футбол ассоциацияси Тартиб-интизом қўмитасининг навбатдаги йиғилиши бўлиб ўтди.
Хабар берилишича, Про лига 2-тури доирасидаги «Арал самали» – «Хоразм» учрашуви якунланганидан сўнг нукуслик мухлислар ўз норозилигини қўпол тарзда намойиш этиб, майдонга турли буюмлар улоқтирган. Агар бундай ҳолат яна такрорланса, клуб уй учрашувини мухлисларсиз ўтказиши бўйича огоҳлантирилди.
Шунингдек, «Арал самали» бош мураббийи Тимур Турдиев ҳакамликдан норозилиги бўйича ўйин протоколига ёзма ариза ёзмай туриб, бунинг ўрнига ОАВ орқали ўз норозилигини билдиргани учун жарима интизом чораси қўлланилди.
Эслатиб ўтамиз, «Арал самали» – «Хоразм» учрашувидан кейин ҳакамлар мухлисларнинг норозилигидан стадионни зўрға тарк этганди. Нукус клуби бош мураббийи Темур Турдиев эса ҳакамларни танқид қилганди .