Пентагон вакилининг сўзларига кўра, Украина чегарасидан 40 км масофада жойлашган Россиянинг Белгород шаҳридаги тактик батальон гуруҳлари сони 40тага етказилган.
Фото: pledgetimes
Россия Донбасснинг шарқий қисмини назоратга олиш учун куч тўпламоқда, Харков яқинига қўшимча минглаб ҳарбийларини олиб келди, деб хабар берди DW.
АҚШ мудофаа вазирлиги вакилининг сўзларига кўра, Украина чегарасидан 40 км масофада жойлашган Россиянинг Белгород шаҳридаги тактик батальон гуруҳлари (ҳар бир гуруҳда 600дан 1000 нафаргача аскар ва офицерлар бор) сони 40тага етказилган.
Пентагон матбуот котиби Жон Кирбининг маълумот беришича, Украина шарқида ҳаракат қилиши режалаштирилган бўлинмалар "ўн минглаб" аскарлар билан тўлдирилмоқда. Унинг фикрича, Москва "60 мингдан ортиқ аскарни сафарбар этишни режалаштирган".
Аввалроқ НАТО бош котиби Йенс Столтенберг Россия Донбассда кенг кўламли ҳужумлар бошлаши ҳақида огоҳлантирганди.
