Ўзбекистон билан Покистон ҳукуматлари ўртасида хавфсизлик бўйича қўшма комиссия ташкил этилди. Бу Ўзбекистон президенти томонидан имзоланган “Халқаро шартномани тасдиқлаш тўғрисида”ги қарорда белгилаб қўйилган.
Комиссиянинг фаолияти халқаро терроризм ва диний экстремизм, трансмиллий уюшган жиноятчилик, наркотикларнинг ноқонуний муомаласи ва бошқалар келтириб чиқараётган кучайиб бораётган таҳдидларга қарши курашишда ҳамкорликни кенгайтиришга қаратилган.
Хавфсизлик бўйича қўшма комиссия тўғрисида 2021 йил 2 ноябрда Исломобод шаҳрида протокол имзоланган.
Ташқи ишлар вазирлиги Ўзбекистон томонидан мазкур халқаро шартноманинг кучга кириши учун зарур бўлган давлат ички тартиб-таомиллари бажарилгани тўғрисида Покистон томонига тегишли билдиришнома юборади.
